Radiotelevizioni Spekti është mediumi i parë privat elektronik në Serbi, i cili emeton program në gjuhën shqipe. Objektivat themelore të këtij mediumi janë informimi i shpejtë, i drejtë dhe korrekt i popullatës së Luginës së Preshevës. Si radio, ashtu edhe televizioni mbulojnë në tërësi komunat e Bujanocit dhe Preshevës, por edhe pjesë të komunave të Vranjës, Kumanovës dhe Gjilanit.
Spektri ka plotësisht një politikë të pavarur redaktuese, që nuk lejon implikimet politike si nga brenda ashtu edhe nga jashtë.
Stafi i mediumit numëron rreth 20 të punësuar, shumica e të cilëve kanë ndjekur trajnime profesionale me organizata të ndryshme vendore dhe ndërkombëtare nga lëmia e gazetarisë, por edhe nga sferat teknike, të cilat përkojnë me punën në media elektronike.
Skema programore është e dedikuar për të gjitha moshat dhe çdo shije të dëgjuesve përkatësisht të shikuesve.
Përveç edicioneve informative në rtv Spektri, organizohen edhe debate të shumta, reportazhe, dokumentare, programe argëtuese, etj.